الذهب

ألوان الوطن | بعد انخفاض سعر الذهب.. حيلة جديدة لتنشيط حركة البيع: إلبس أقل من جرام

رغم تسجيل انخفاضا كبيرا في أسعار الذهب، بمقدار 10 جنيهات، ليصل سعر عيار (١٨) إلى 707 جنيها، وعيار(٢١) لـ٨٢٥ جنيها، وعيار (٢٤) لـ٩٤٢ جنيها، وإعادة فتح قاعات الأفراح مرة أخرى، إلا أن هناك ركودا في المبيعات، دفع أصحاب المحلات إلى اللجوء لحيلة خارج الصندوق لتنشيط عملية البيع، بتقديم ذهب في متناول اليد، عبارة عن سلاسل وحُلي وانسيالات بأوزان خفيفة وأسعار تتراوح بين 700 و1500 جنيه.

تقول  نادين أسامة، تاجرة مشغولات ذهبية: “لاحظت إن في كتير مننا مش بقى يشتري الذهب عشان سعره رفع جدا، حتى اللي بيحبوا يشتروا بطلوا، ففكرت أعمل جروب وأبيع عليه ذهب خفيف بأسعار رخيصة وشكله حلو”.

وأسست نادين، جروب على تطبيق التراسل “واتساب”، يقدم أشكالا متنوعة ومختلفة من المشغولات الذهبية بأسعار رخيصة، موضحة: “بتعامل مع مصانع للذهب، وبطلب منهم يصمموا أشكال مختلفة تبقى خفيفة وتساعد اللي بيحبوا الذهب عشان يقدورا يشتروا الأشكال اللي يفضلوها ومن غير ما الميزانية تضرب منهم”.

وتعتمد الفكرة على التصميمات المنفذة من الذهب عيار 18 فقط، باعتبار أنه الأرخص، وله أشكال حديثة ومبتكرة، وبالفعل لاقت تفاعلا كبيرا بين السيدات، ونشطت حركة البيع، بحب نادين التي قالت: “كل حاجة على الموضة بتكون عيار 18، وببيع على حسب الطلب اللي بيحب شكل معين بفصله مخصوص، وببيع إنسيال أو حلقان بـ750 جنيها ودي وزنها 70 مللي، والكولية وزنه 1.50 جرام بـ1350 جنيها، كل أسعاري في الحدود دي”.

ولجأ محمد يوسف، صاحب محل ذهب بمنطقة عزبة النخل، هو الآخر إلى بيع أشكال متنوعة من الذهب، بأوزان خفيفة رخيصة السعر، مشيرا إلى أنه “حصل ركود كبير في البيع والناس حابة أنها ترجع تشتري من تاني، بس عايزة حاجة على قدها وفي نفس الوقت تكون شيك”.

ويقدم محمد، أشكالا مختلفة من الخواتم، والإنسيالات، والأعقاد، والحلقان، تتراوح أسعارها بين 1000 و1500 جنيه، معلقا: “الحاجات دي لها زباين كتير جدا خصوصا الفترة ديه، عشان الظروف الاقتصادية، وفي متناول الأيد برضوا”.

— to alwan.elwatannews.com

Show More

Related Articles

Leave a Reply

Your email address will not be published. Required fields are marked *

Close
ارجو ترك اسمك لبدء المحادِثه ؟
اهلا بك ارجو ترك اسمك لبدء المحادثه